Bubuhan kula-kula barataan pasti tau wan ngarannya PASAK BUMI luku, lamun kadada salahnya lieh munnya dipadahakan lagi kalu ae ada nang kada tau..Hagan nang kada tau diparsilahakan haja mambacanya..
Pasak Bumi ni tie banyak tumbuh di dairah hutan nang tropis nang kaya di banua kita, lamun Pasak Bumi ada jua tumbuh di Sumatra, Sulawesi atawa di dairah Indonesia nang lainnya.
Pasak Bumi baisi ngaran latin “Eurycoma Longifolia”. Pasak Bumi ni tie banyak bangat apuahnya wan diparcaya tumatan padatuan kita hagan ubat-ubatan manambai panyakit nang kaya : tonikum hagan babinian nang imbah baranak, hagan mariap dingin, hagan maubati nang kana malaria, wan bisa jua hagan lakian nang kada tapi kuat “itunya”,masih banyakae lagi apuah-apuah Pasak Bumi ni tie.
Pasak bumi nie kawa disimpan salawasan asal pasak buminya karing. Kabiasaannya limbah dipakai lalu pasak bumi di jamur supaya karing.
Cara manggunakan pasak bumi ni tie kada ngalih, hagan manambai apa haja cara manggunakannya sama haja. Pasak bumi ni tu di tatak halus-halus (jgn tapi ganal) kira-kira 5 cm, limbah ni tu dirandam di banyu panas nang sudah dibuat ka dalam galas atawa cangkir. Limbah ni tu hadangi sapandang, pas banyunya td pina dingin atawa sdh kada tapi panas lagi hanyar diminum banyunya. Sahari tiga kali. Bujur pang banyunya ni tu liwar pahit wan kalat-kalatnya, lamun munnya handak lakas wagas na pang lagi paksa ae diminum. Lamun jaman modirin damini kd ngalih lagi munnya handak maminum ubat na ya,pasak bumi ni tie diracik halus-halus nang kaya galapung ulih bubuhan duktur limbah ni tu dibuatinya ka dalam kapsul hagan kada tarasa lagi pahit wan kalatnya mun handak diminum banyunya.
Ada jua pasak bumi ni tie diulah urang galas atawa mangkuk, jadi munnya handak maminumnya kada ngalih lagi,luruk haja banyu panas ka dalam galas pasak bumi ni tu. Lamun galas atawa mangkuk Pasak Bumi ni tie munnya urang bajual haraganya larang bangat, sualnya kada sambarangan Pasak Bumi nang diulah hagan galas atawa mangkuk ni tu. Pasak Buminya baumur ratusan tahun wan akarnya ganal bangat, jadinya wajar haja saku munnya larang haraganya.
Wayah ini tumbuhan Pasak Bumi na ya pina ngalih ditamu’i alias pina langka sudah, makanya am pamarintah kita malindungi tumbuhan ni tie..
Mudah-mudahan anak cucu kita atawa urang lain masih kawa marasani apuahnya Pasak Bumi..
Archives
All posts for the month September, 2012
Tabat Barito kada kalah tarkanalnya wan Pasak Bumi. Tabat Barito tanaman nang langka wan dilindungi sama haja wan Pasak Bumi. Tabat barito di pulau borneo haja kawa mandapatinya. Tabat Barito baisi ngaran latin “ficus deltoidea jack”, munnya di banua siti nurhalizah tabat barito ni tie bangaran Emas Cotek atawa ara tunggal, kalunya di Sabah dingarani apiapi, telinga kera, serapat,sempit-sempit wan agoluran, munnya di banuanya james bond dingarani Mistletoe fig.
Tabat barito ni tie tamasuk tanaman epifit nang hidup umpat ditumbuhan lain nang labih ganal hagan dapat cahaya matahari. Tumbuhan na ya banyak didapati di dairah hutan pagunungan wan di dairah nang balukar di pinggir laut lamun kada di hutan bakau.
Tabat barito kawa tumbuh seganal 1,5 mt wan diamitirnya kurang labih 1,5 mt jua. Daunnya bawarna hijau mangkilat wan ada bintik-bintik kunig nang kaya amas di parmukaannya. Di bawah daunnya bawarna kuning kaya amas tapi ada bintik-bintik hirang.
Bantuk daunnya babida, nang mambidakannya ni tu janis kalaminnya. Kalunya Tabat barito bini cirinya daun nang bulat atawa lonjong wan ganal, kalunya nang labih halus ni tu tabat barito nang laki.
Cara manggunakan Tapat Barito ni tie sadikit babida pang wan Pasak Bumi, tabat barito ni dijarang dulu sampai manggurak banyunya,limbah ni tu didinginakan sapandang banyunya hanyar diminum.
Mulai jaman padatuan kita bahari tumbuhan na ya diparcaya baapuah hagan sistem reproduktif babinian. Kawa jua hagan manyampitakan rahim wan mambulikakan rahim kasemula, hagan mahilangakan kaputihan,malancarakan haid, malabatakan bulu atawa rambut, hagan awit anum, paru-paru basah, kancing manis, darah tinggi, lamah jantung,bahiraan,malancarakan paridaran darah,wan hagan panyakit kulit.
Masih banyak lagi apuahnya Tabat Barito ni tie.
Home Security System
SOCIALAT.COM
Internet & Business Online
Health & Fitness
Hutan Kalimantan byk bangat baisi sumber daya alam. Bardasarkan data Kementerian Lingkungan Hidup, ada sedikitnya 940 spesies tumbuhan nang kawa diulah hagan ubat tradisonal.
Kula-kula kita nang di gunung tie tumatan dahulu memakai macam-macam tumbuhan liar hagan diulah obat, di antaranya yaitu Akar Kayu Kuning atawa biasa jua urang manyambatnya Akar Kuning.
Akar Kayu Kuning na ya baisi ngaran latin “Arcangelisia flava”. Padatuan kita bahari sdh rancak bangat mamakai tumbuhan ni tie, lantaran hagan manambah daya tahan tubuh dari serangan macam-macam panyakit, bisa jua hagan manambai urang nang baisi panyakit liver, kana malaria,bisa jua hagan ubat munnya kana wisa.
Akar Kayu Kuning ni tie banyak didapati di hutan-hutan tropis nang kaya di banua kita. Biasanya banyak talihat manjuntai balilit ka puhun-puhun nang ganal. Warnanya kakuning-kuningan wan basarat-sarat.
Salin ni tu akar puhun na ya munnya kita tatak ada baisi banyu nang kawa langsung diminum.
Cara manggunakannya bila hagan ubat nyaman haja,kayu ni tu dibuat ka panci nang baisi banyu, limbah ni tu dijarang sampai manggurak sampai banyunya ni tu bawarna kuning.Banyunya ni tu nang diminum 2x sahari.